شارك لتوصيل الخبر لغيرك
إزاي لو في منظومة عاوزة تحاسب الفساد على كارثة زي إمبارح؛ تعمل ايه؟ وبشكل منطقي وعاقل ومتنزن وليس عنترية؟ البوست دا طويل وكله خيال علمي فاللي بيزهق أو ملوش في الخيال العلمي فيطير بقى. نمسك منطقة منطقة حصل فيها إغراق..
؛ دلوقتي فين بلاعة الصرف؟
◉ بلاعة الصرف مش موجودة؟ هنا بقى نطلع الدفاتر ونشوف اللي عمل الشارع دا استلم إزاي المشروع بدون بلاعات؛ وهنا هيكون إما أصلاً التصميم بدون بلاعات؛ فهنا هيروح الحساب للمسئول عن التصميم؛ أو التصميم في بلاعه لكن المهندس قبله كده؛ فهنا المهندس يروح المحكمة بتهمة الفساد والإضرار بالمال العام.
◉ بلاعة الصرف موجودة؟ هنا نشوف هل هى سالكة؟ لاء يبقى نحاسب المسئول عن تسليكها؛ طبعاً ممكن يقول مفيش إمكانيات تكفي؛ هنا هيخرج براءة في حالة واحدة؛ إنه قدم طلبات للقيادة بتاعته وضح فيها إنه محتاج كذا وكذا لإن الإمكانيات لا تكفي. طيب البلاعة سالكة بس مكفتش المطرة يعني هى تقدر تشيل 10 متر مكعب في الساعة والمطرة كانت 50 متر؟ هنا نشوف خبراء الأرصاد بقى والجهات المختصة نقولهم هو متوسط سقوط الأمطار في المدينة دي كام؟ لو قالوا 7-8-9 والبلاعة قدرتها 10.
يبقى كده براءة. لكن لو قالوا المتوسط المعروف 50 وروحنا نفذنا بلاعة 10 يبقى دا تعمد فساد فنروح نشوف جهة التصميم بقى والتنفيذ ونشوف مين اللي صممها كده. ◉ بعدها نشوف بقى الجهات الأخرى كالتالي: المرور: الأرصاد قايله إن في مطر يوم الثلاثاء؛ إيه الإجراءات اللي عملتوها عشان تخفف المشاكل المتوقعة؟ الأحياء: مفروض عندكم مهندسين دارسين ما سبق ويكونوا عارفين إن معندناش إمكانيات للمطر يبقى لما تمطر عارفين هيحصل كارثة؛ جهزتم إيه عشان تقللوا الكارثة؟ مفيش يبقى يتحاسب. التربية والتعليم: دلوقتي الدولة عارفة إن كل مطرة بيحصل كارثة؛ فإزاي تسمح باستمرار الدراسة في يوم متوقع فيه سقوط أمطار وعارف إن الشوارع مش هتتحملها. الحكومة: لو طلع إن جهات بلغت الدولة فوق إن ينقصنا إمكانيات 1-2-3 عشان ننقذ البلد من الأمطار؛ والحكومة معملتش أي إجراء ومحاولتش توفر الفلوس ليهم؛ ووفرتها لحاجات تانية رفاهية يبقى دا برضك فساد. طبعاً ممكن حد يقولي يعني مهندس حي يغلط في سنة 1990 وتيجي وفي 2020 وهو خلاص طالع معاش تقوله اكتشفنا غلطة ليك من 30 سنة تسببت في أزمة فنحاكمك ااه يتحاكم لإنه مسئول وغلط ولو تسببت غلطته في وفاة إنسان يبقى يتحاكم بتهمة القتل الخطأ. ولو طلع بقى قابض عشان يمشي الشغل؛ يعني مش غلطة صدفة... هنا يبقى قتل عمد كمان طبعاً الموضوع ممكن يبقى في تشعبات أكثر لكني بوريكم مجرد نبذة بس عن إزاي الدول بتتحول من عالم ثالث إلى عالم أول... إزاي ممكن تحط قاعدة إنك لو فاسد وهربان دلوقتي فاعرف إنك ممكن بعد 30 سنة وممكن تكون عالمعاش خلاص تلاقي البوليس جاي يقبض عليك ويدخلك السحن. مرة أخرى البوست للخيال العلمي عشان الناس مشافوهاش فوق لما
تعليقات
إرسال تعليق